ຊົມເຊີຍ!! ພະນັກງານລາວໂທລະຄົມ ສາຂານ້ຳພຸ ຊ່ວຍ "ປ້ຳຫົວໃຈ ຊາວຕ່າງປະເທດ" ທີ່ໝົດສະຕິກະທັນຫັນ

ລາຍງານຈາກ ນາທີຊີວິດ ໃຫ້ຮູ້ວ່າ. ໃນວັນທີ 9 ພຶດສະພາ 2017 ມີຊາວຕ່າງປະເທດເປັນເພດຊາຍ ເປັນລົມໝົດສະຕິ ທີ່ຫ້ອງການລາວໂທລະຄົມສາຂານ້ຳພຸ ນະຄອນຫຼວງວຽງຈັນ. ພະນັກງານໄດ້ຊ່ວຍກັນ ກູ້ເອົາຊີວິດຂອງຜູ່ກ່ຽວໄດ້ໄວ້ທັນ.

ຈາກການບອກເລົ່າບອກວ່າ ເບື້ອງຕົ້ນ ຊາວຕ່າງປະເທດຄົນນີ້ໄດ້ເຂົ້າມາທີ່ຫ້ອງຫ້ອງບໍລິການລູກຄ້າ ລາວໂທລະຄົມ ສາຂານ້ຳພຸ ໂດຍພະນັກງານໄດ້ຖາມວ່າໃຫ້ ຊ່ວຍຫຍັງບໍ? ຊຶ່ງລາວກໍ່ຕອບວ່າຂໍພັກປະມານ 5 ນາທີ ຊຶ່ງກໍ່ຄິດວ່າ ຂໍພັກເຊົາຮ້ອນ ຈາກນັ້ນ ລາວກໍ່ໄດ້ລົ້ມລົງຫົວກະທົບພຶ້ນ ແຂນຂາເກັ໋ງ ມືງິກງໍ ແລະ ຕາເຫຼືອ ສີຜິວຫຼ່າເຫຼືອງ.

ພະນັກງານຈຶ່ງໄດ້ຊ່ວຍກັນປ້ຳຫົວໃຈ ໂດຍແມ່ນ ນາງ ຈັນຮວນ ບົວລົມ ເປັນຄົນ CPR ແລະ ພະນັກງານລາວໂທລະຄົມສາຂາ ນຳ້ພຸ ໄດ້ຊອກໝາກນາວບີບໃສ່ປາກ ຈົນອາການດີຂຶ້ນ ແລະ ຕັ້ງສະຕິໄດ້, ພໍອາການຊົງໂຕ ລາວກໍ່ໄດ້ຂອບໃຈທຸກຄົນທີ່ໃຫ້ການຊ່ວຍເຫຼືອ ຊຶ່ງທາງພະນັກງານຈະນຳລາວສົ່ງກວດຢູ່ໂຮງໝໍ ແຕ່ລາວກໍ່ປະຕິເສດ ແລະ ຍ່າງກັບເອງ ໂດຍລາວບອກວ່າທີ່ພັກກໍ່ຢູ່ບໍ່ຫ່າງຈາກທີ່ເກີດເຫດຫຼາຍ ຈຶ່ງໄດ້ຍ່າງກັບທີ່ພັກເອງ.


ຫາກທຸກຄົນຮຽນຮູ້ການຊ່ວຍເຫຼືອສຸກເສີນຂັ້ນຕົ້ນໄດ້ແບບນີ້ ອາດຊ່ວຍເຫຼືອໄດ້ຫຼາຍຮ້ອຍຊີວິດ ທີ່ປະສົບກັບການເຈັບປ່ວຍສຸກເສີນ ໃນເວລາວິກິດແບບນີ້ ເຖິງບໍ່ໄດ້ເຂົ້າມາຮຽນຮູ້ຝຶກອົບຮົມ ຈາກໂຮງໝໍ ຫຼື ໜ່ວຍກູ້ໄພ ກໍ່ສາມາດຮຽນຮູ້ຈາກແຫຼ່ງຂໍ້ມູນທາງອ້ອມ ໄດ້ຫຼາກຫຼາຍທາງ ຢ່າງໜ້ອຍເຖິງການປະຕິບັດຕົວຈິງ ຈະບໍ່ມີປະສົບການ ກໍ່ຍັງຮູ້ວິທີໃນການຊ່ວຍເຫຼືອທີ່ຖຶກຕ້ອງ ດີກວ່າຊ່ວຍຫຍັງບໍ່ໄດ້ ຫຼື ເຮັດບໍ່ເປັນ.


ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^

ຂອບໃຈແຫຼ່ງຂ່າວຈາກ: ນາທີຊີວິດ, ໂທລະໂຄ່ງ, ປະເທດລາວ, ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.