ຂະແໜງທ່ອງທ່ຽວກຳປູເຈຍ ເປີດເຜີຍໃນວັນທີ 17 ເມສາວ່າ ບຸນປີໃໝ່ ຫຼື ບຸນຫົດນ້ຳຕະຫຼອດ 4 ວັນຂອງປະເທດຕົນ ສະເພາະແຕ່ກິດຈະກຳສະຫຼອງຢູ່ອັງກໍວັດ ສາມາດສ້າງລາຍຮັບ ຈາກນັກທ່ອງທ່ຽວທັງພາຍໃນ ແລະ ຕ່າງປະເທດເກືອບ 100 ລ້ານໂດລາສະຫະລັດ ແລະ ລວມທັງໝົດທົ່ວປະເທດແມ່ນ ສ້າງລາຍຮັບຊ່ວງບຸນຫົດນໍ້າເກືອບ 400 ລ້ານໂດລ່າ.
ຕາມຂ່າວຕ່າງປະເທດລາຍງານວ່າ ທ່ານຕົງຄຸນ ລັດຖະມົນຕີວ່າການກະຊວງທ່ອງທ່ຽວ ກຳປູເຈຍຢືນຢັນວ່າ ໄລຍະບຸນປີໃໝ່ແຕ່ວັນທີ 13-16 ເມສານີ້, ແຂວງຊຽມລຽບ ເຊິ່ງມີອັງກໍວັດ ເປັນແຫຼ່ງທ່ອງທ່ຽວທີ່ຊື່ດັງນັ້ນໄດ້ຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດກວ່າ 1,6 ລ້ານຄົນ ເພີ່ມຂຶ້ນ 22,73% ເມື່ອທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 7,8%, ສ່ວນລາຍຮັບຈາກການຂາຍປີ້ກໍບັນລຸ 1,2 ລ້ານໂດລາ ເພີ່ມຂຶ້ນ 104,64%.
ທ່ານຕົງຄຸນກ່າວຕື່ມວ່າ ສະເລ່ຍແລ້ວນັກທ່ອງທ່ຽວພາຍໃນ ໃຊ້ຈ່າຍຄົນລະ 50 ໂດລາ, ນັກທ່ອງທ່ຽວສາກົນ 500 ໂດລາ.
ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^
ແຫຼ່ງຂໍ້ມູນ: sedthakid.la, ຮຽບຮຽງ: devcrown.com ຄວາມຮູ້ທັນສະໄໝ
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.
Comments
Post a Comment