ອົງການກວດສອບແຫ່ງຊາດລາວໄດ້ຖະແຫຼງຕໍ່ສື່ມວນຊົນວ່າ: ໃນໄລຍະສອງປີຜ່ານມາ, ອົງການຂອງຕົນສາມາດເກັບກູ້ທຶນໄດ້ຄືນຫຼາຍກວ່າ 50 ຕື້ກີບຈາກພະນັກງານລັດທີ່ສໍ້ລາດບັງຫຼວງ.
ໃນບົດລາຍງານປີ 2016 ຂອງກະຊວງການເງິນລາວຊີ້ໃຫ້ເຫັນວ່າ: ລັດຕ້ອງສູນເສຍງົບປະມານກວ່າ 785 ຕື້ກີບແລະ ງົບປະມານກ້ອນນີ້ກໍໄດ້ເບີກຈ່າຍໃນ 60 "ໂຄງການບໍ່ມີໂຕຕົນ" ແລະ ບັນດາໂຄງການທີ່ບໍ່ມີໂຕຕົນ ລ້ວນແຕ່ຮູ້ພາຍຫຼັງ ຈາກການລາຍງານຂອງປະຊາຊົນ.
ນອກນີ້, ກົມປ້ອງກັນກຳລັງຂອງກະຊວງປ້ອງກັນຄວາມສະຫງົບລາວ ກໍໄດ້ເປີດເຜີຍ ເມື່ອເດືອນພະຈິກປີຜ່ານມາວ່າ ນັບແຕ່ປີ 2011 ຫາ 2015, ມີເຈົ້າໜ້າທີ່ຕຳຫຼວດ 1000 ກວ່າຄົນເຮັດຜິດກົດໝາຍ ຫຼື ລະບຽບການຂອງກະຊວງເຊິ່ງໃນຈຳນວນນີ້ໄດ້ຖືກປົດຕຳແໜ່ງແລ້ວ 737 ຄົນຍ້ອນກິນສິນບົນ ຫຼື ສວຍໃຊ້ໜ້າທີ່ຕຳແໜ່ງຢ່າງຜິດກົດໝາຍ.
ຂ່າວແຈ້ງວ່າ: ລັດຖະບານລາວໄດ້ຕັດສິນໃຈປາບປາມ ແລະ ສະກັດກັ້ນ ການສໍ້ລາດບັງຫຼວງ ຢ່າງເດັດດ່ຽວກວ່າເກົ່າ, ຂະນະປັດຈຸບັນອົງການກວດສອບແຫ່ງຊາດ ກຳລັງເລັ່ງກວດກາຂະແໜງການພາສີ ແລະ ການເບີກຈ່າຍງົບປະມານ.
ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^
ແຫຼ່ງຂ່າວຈາກ: abclaosnews, ຮຽບຮຽງ: devcrown.com ຄວາມຮູ້ທັນສະໄໝ
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.
Comments
Post a Comment