ຕາມການໃຫ້ສຳພາດຂອງທ່ານ ບຸນຍູ້ ທຳມະວົງ ເຈົ້າເມືອງໆໄກສອນພົມວິຫານ ຕໍ່ນັກຂ່າວທ້ອງຖິ່ນໃຫ້ຮູ້ວ່າ: ມາຮອດປະຈຸບັນການສ້າງຕັ້ງນະຄອນ ໄກສອນພົມວິຫານ ໃນແຂວງສະຫວັນນະເຂດມີຄວາມຄືບໜ້າໄປຫຼາຍດ້ານ.
ໂດຍສະເພາະ
8 ມາດຖານຂອງການສ້າງນະຄອນເຊັ່ນ: ຈຳນວນພົນລະເມືອງ, ຄວາມໜາແໜ້ນຂອງພົນລະເມືອງ,
ອາຊີບກະສິກອນ, ເສັ້ນທາງປູຢາງ-ເບຕົງ, ຄອບຄົວຊົມໃຊ້ໄຟຟ້າ,
ນຳໃຊ້ນ້ຳສະອາດ-ນ້ຳປະປາ, ດ້ານງົບປະມານກຸ້ມຕົນເອງໃນການໃຊ້ຈ່າຍປົກກະຕິ ແລະ
ບ້ານພັດທະນາ.
ເມືອງໄກສອນພົມວິຫານເປັນເມືອງໃຫຍ່ອັນດັບສອງຂອງ ສປປ ລາວ ຖັດຈາກນະຄອນຫຼວງວຽງຈັນ. ເມືອງນີ້ ຕັ້ງຢູ່ແຄມແມ່ນ້ຳຂອງໃນເຂດພາກກາງຂອງລາວ, ເປັນເມືອງຕັ້ງຢູ່ຈຸດເລີ່ມຂອງ ເສັ້ນທາງເລກ 9 ຊຶ່ງອອກສູ່ທະເລຂອງ ພາກກາງຫວຽດນາມ ແລະ ເປັນເມືອງໜຶ່ງທີ່ມີສະພາບເສດຖະກິດ-ສັງຄົມ ຂະຫຍາຍຕົວໄວ, ລັກສະນະທີ່ເດັ່ນຂອງ ເມືອງນີ້ ເປັນເມືອງທີ່ມີການຈັດວາງຢ່າງເປັນລະບຽບກວ່າເມືອງອື່ນໆ ໂດຍສະເພາະແມ່ນເສັ້ນທາງຕ່າງໆໄດ້ຕັດ ແບ່ງຕົວເມືອງໃຫ້ເປັນລັກສະນະຕາຜ້າຜັງເມືອງ. ເມືອງໄກສອນພົມວິຫານຕັ້ງຢູ່ໃຈກາງຂອງແຂວງເປັນທີ່ຕັ້ງຂອງ ສຳນັກງານອົງການຂອງແຂວງ, ອົງການທຽບເທົ່າ, ມີສະຖານກົງສຸນໃຫຍ່ແຫ່ງ ສສ ຫວຽດນາມ ແລະ ກົງສຸນໃຫຍ່ແຫ່ງລາຊະອານາຈັກ ໄທປະຈຳແຂວງສະຫວັນນະເຂດ, ມີເສັ້ນທາງເຊື່ອມຕໍ່ບັນດາແຂວງພາກກາງ, ພາກໃຕ້ ແລະ ປະເທດເພື່ອນບ້ານ, ມີເສັ້ນທາງແລວເສດຖະກິດຕາ ເວັນອອກ-ຕາເວັນຕົກຕັດຜ່ານທີ່ມີໄລຍະທາງສັ້ນທີ່ສຸດ, ການຂົນສົ່ງໄປເຖິງທະເລນ້ຳເລິກດານັງ ສສ ຫວຽດນາມ, ມີເຂດເສດຖະກິດພິເສດສະຫວັນ-ເຊໂນ ກວມເຖິງ 3 ເຂດຄື: ເຂດ A ກວມ 305 ເຮັກຕາ, ເຂດ C ກວມ 232 ເຮັກຕາ ແລະເຂດ D ກວມ 118 ເຮັກ ຕາ, ຊຶ່ງມີຫຼາຍບໍລິສັດທັງພາຍໃນ ແລະ ຕ່າງປະເທດມາລົງທຶນໃນເຂດດັ່ງກ່າວ, ເປັນສູນກາງການສຶກສາ ເພື່ອພັດທະນາ ຊັບພະຍາກອນມະນຸດໃຫ້ແກ່ແຂວງສະ ຫວັນນະເຂດ ແລະບັນດາແຂວງພາກກາງ, ພາກໃຕ້ຂອງລາວ.
ທ່ານ ບຸນຍູ້ ທຳມະວົງ ຍັງໄດ້ໃຫ້ຮູ້ ຕື່ມວ່າ: ໂດຍປະຕິບັດຕາມ 8 ມາດຖານ ຂອງການສ້າງນະຄອນເຫັນວ່າ: ໃນ ດ້ານພົນລະເມືອງຕາມການສຳຫຼວດ ໃນປີ 2015 ເມືອງໄກສອນພົມວິຫານ ມີພົນລະເມືອງທັງໝົດ 125.726 ຄົນ, ທຽບໃສ່ມາດຖານທົ່ວນະຄອນຕ້ອງມີ ພົນລະເມືອງ 60.000 ຄົນ, ໃນຂະນະທີ່ມາດຖານຄວາມໜາແໜ້ນ ຂອງພົນລະເມືອງໃນເມືອງໄກສອນມີ 79.170 ຄົນ ຕໍ່ກິໂລຕາແມັດ ສູງກວ່າມາດຖານຂອງນະຄອນ 25.000 ຄົນຕໍ່ກິໂລຕາແມັດ, ມາດຖານອາຊີບກະສິກອນບໍ່ເກີນ 25% ເຫັນວ່າເທສະບານເມືອງໄກສອນພົມວິ ຫານມີພຽງ 20% ແລະມາດຖານທາງປູຢາງ-ທາງເບຕົງໃນເທສະບານ ເມືອງໄກສອນພົມວິຫານກວມເຖິງ 98% ລື່ນມາດຖານທີ່ກຳນົດໄວ້ທີ່ 90% ເຊັ່ນດຽວກັບມາດຖານຄອບຄົວໃຊ້ໄຟຟ້າ ແລະນ້ຳສະອາດ, ນ້ຳປະປາ 100% ແມ່ນບັນລຸເປັນທີ່ຮຽບຮ້ອຍ ແລ້ວໃນເວລາດຽວກັບດ້ານງົບປະມານ ເມືອງໄກສອນພົມວິຫານສາມາດຈັດ ເກັບລາຍຮັບໄດ້ຕາມແຜນການ, ນອກນັ້ນ ຍັງໄດ້ດຸນໃຫ້ແຂວງຕື່ມອີກ ຊຶ່ງເຫັນວ່າກໍ່ສາມາດປະຕິບັດໄດ້.
ອັນທີ່ຍັງຄ້າງກໍ່ຄືມາດຖານສຸດທ້າຍຄື: ການສ້າງໃຫ້ກາຍເປັນເມືອງພັດທະນາ, ໃນປະຈຸບັນນີ້ ເມືອງໄກສອນພົມ ວິຫານ ປະກາດບ້ານພັດທະນາໄດ້ແລ້ວ 23 ບ້ານ, ຍັງ 44 ບ້ານ, ຄາດວ່າໃນປີ 2017 ຕາມແຜນຈະປະກາດໃຫ້ໄດ້ 30 ບ້ານ, ແລະໃນປີ 2018 ຈະປະກາດ ຕື່ມອີກ 14 ບ້ານ ກຽມພ້ອມປະກາດເປັນເມືອງພັດທະນາ ແລະ ເປັນນະຄອນຕາມແຜນການທີ່ວາງໄວ້.
ເມືອງໄກສອນພົມວິຫານເປັນເມືອງໃຫຍ່ອັນດັບສອງຂອງ ສປປ ລາວ ຖັດຈາກນະຄອນຫຼວງວຽງຈັນ. ເມືອງນີ້ ຕັ້ງຢູ່ແຄມແມ່ນ້ຳຂອງໃນເຂດພາກກາງຂອງລາວ, ເປັນເມືອງຕັ້ງຢູ່ຈຸດເລີ່ມຂອງ ເສັ້ນທາງເລກ 9 ຊຶ່ງອອກສູ່ທະເລຂອງ ພາກກາງຫວຽດນາມ ແລະ ເປັນເມືອງໜຶ່ງທີ່ມີສະພາບເສດຖະກິດ-ສັງຄົມ ຂະຫຍາຍຕົວໄວ, ລັກສະນະທີ່ເດັ່ນຂອງ ເມືອງນີ້ ເປັນເມືອງທີ່ມີການຈັດວາງຢ່າງເປັນລະບຽບກວ່າເມືອງອື່ນໆ ໂດຍສະເພາະແມ່ນເສັ້ນທາງຕ່າງໆໄດ້ຕັດ ແບ່ງຕົວເມືອງໃຫ້ເປັນລັກສະນະຕາຜ້າຜັງເມືອງ. ເມືອງໄກສອນພົມວິຫານຕັ້ງຢູ່ໃຈກາງຂອງແຂວງເປັນທີ່ຕັ້ງຂອງ ສຳນັກງານອົງການຂອງແຂວງ, ອົງການທຽບເທົ່າ, ມີສະຖານກົງສຸນໃຫຍ່ແຫ່ງ ສສ ຫວຽດນາມ ແລະ ກົງສຸນໃຫຍ່ແຫ່ງລາຊະອານາຈັກ ໄທປະຈຳແຂວງສະຫວັນນະເຂດ, ມີເສັ້ນທາງເຊື່ອມຕໍ່ບັນດາແຂວງພາກກາງ, ພາກໃຕ້ ແລະ ປະເທດເພື່ອນບ້ານ, ມີເສັ້ນທາງແລວເສດຖະກິດຕາ ເວັນອອກ-ຕາເວັນຕົກຕັດຜ່ານທີ່ມີໄລຍະທາງສັ້ນທີ່ສຸດ, ການຂົນສົ່ງໄປເຖິງທະເລນ້ຳເລິກດານັງ ສສ ຫວຽດນາມ, ມີເຂດເສດຖະກິດພິເສດສະຫວັນ-ເຊໂນ ກວມເຖິງ 3 ເຂດຄື: ເຂດ A ກວມ 305 ເຮັກຕາ, ເຂດ C ກວມ 232 ເຮັກຕາ ແລະເຂດ D ກວມ 118 ເຮັກ ຕາ, ຊຶ່ງມີຫຼາຍບໍລິສັດທັງພາຍໃນ ແລະ ຕ່າງປະເທດມາລົງທຶນໃນເຂດດັ່ງກ່າວ, ເປັນສູນກາງການສຶກສາ ເພື່ອພັດທະນາ ຊັບພະຍາກອນມະນຸດໃຫ້ແກ່ແຂວງສະ ຫວັນນະເຂດ ແລະບັນດາແຂວງພາກກາງ, ພາກໃຕ້ຂອງລາວ.
ທ່ານ ບຸນຍູ້ ທຳມະວົງ ຍັງໄດ້ໃຫ້ຮູ້ ຕື່ມວ່າ: ໂດຍປະຕິບັດຕາມ 8 ມາດຖານ ຂອງການສ້າງນະຄອນເຫັນວ່າ: ໃນ ດ້ານພົນລະເມືອງຕາມການສຳຫຼວດ ໃນປີ 2015 ເມືອງໄກສອນພົມວິຫານ ມີພົນລະເມືອງທັງໝົດ 125.726 ຄົນ, ທຽບໃສ່ມາດຖານທົ່ວນະຄອນຕ້ອງມີ ພົນລະເມືອງ 60.000 ຄົນ, ໃນຂະນະທີ່ມາດຖານຄວາມໜາແໜ້ນ ຂອງພົນລະເມືອງໃນເມືອງໄກສອນມີ 79.170 ຄົນ ຕໍ່ກິໂລຕາແມັດ ສູງກວ່າມາດຖານຂອງນະຄອນ 25.000 ຄົນຕໍ່ກິໂລຕາແມັດ, ມາດຖານອາຊີບກະສິກອນບໍ່ເກີນ 25% ເຫັນວ່າເທສະບານເມືອງໄກສອນພົມວິ ຫານມີພຽງ 20% ແລະມາດຖານທາງປູຢາງ-ທາງເບຕົງໃນເທສະບານ ເມືອງໄກສອນພົມວິຫານກວມເຖິງ 98% ລື່ນມາດຖານທີ່ກຳນົດໄວ້ທີ່ 90% ເຊັ່ນດຽວກັບມາດຖານຄອບຄົວໃຊ້ໄຟຟ້າ ແລະນ້ຳສະອາດ, ນ້ຳປະປາ 100% ແມ່ນບັນລຸເປັນທີ່ຮຽບຮ້ອຍ ແລ້ວໃນເວລາດຽວກັບດ້ານງົບປະມານ ເມືອງໄກສອນພົມວິຫານສາມາດຈັດ ເກັບລາຍຮັບໄດ້ຕາມແຜນການ, ນອກນັ້ນ ຍັງໄດ້ດຸນໃຫ້ແຂວງຕື່ມອີກ ຊຶ່ງເຫັນວ່າກໍ່ສາມາດປະຕິບັດໄດ້.
ອັນທີ່ຍັງຄ້າງກໍ່ຄືມາດຖານສຸດທ້າຍຄື: ການສ້າງໃຫ້ກາຍເປັນເມືອງພັດທະນາ, ໃນປະຈຸບັນນີ້ ເມືອງໄກສອນພົມ ວິຫານ ປະກາດບ້ານພັດທະນາໄດ້ແລ້ວ 23 ບ້ານ, ຍັງ 44 ບ້ານ, ຄາດວ່າໃນປີ 2017 ຕາມແຜນຈະປະກາດໃຫ້ໄດ້ 30 ບ້ານ, ແລະໃນປີ 2018 ຈະປະກາດ ຕື່ມອີກ 14 ບ້ານ ກຽມພ້ອມປະກາດເປັນເມືອງພັດທະນາ ແລະ ເປັນນະຄອນຕາມແຜນການທີ່ວາງໄວ້.
ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^
ຂອບໃຈແຫຼ່ງຂ່າວຈາກ: www.sedthakid.la, ຮຽບຮຽງ: devcrown.com ຄວາມຮູ້ທັນສະໄໝ
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.
Comments
Post a Comment