ຜູ້ນຳເກົາຫຼີເໜືອ ປ່ອຍຄລິປຈຳລອງຍິງ "ຂີປະນາວຸດຂ້າມທະວີບ" ໃສ່ "ອາເມຣິກາ" ເຜົາທຸງຊາດອາເມຣິກາໄໝ້ກ້ຽງ

ເມື່ອວັນທີ 19 ເມສາ ທີ່ຜ່ານມາ ເວັບໄຊ້ຊື່ດັງມິເຣີ ມີລາຍງານວ່າ ສະຖານະການຂອງເກົາຫຼີເໜືອ ແລະ ອາເມຣິກາ ຍັງຄົງຕຶງຄຽດຢູ່ຢ່າງຕໍ່ເນື່ອງ ໂດຍທາງເກົາຫຼີເໜືອ ໄດ້ມີການອອກອາກາດ ເຜີຍແຜ່ຄລິປວີດີໂອຊວນເຊື່ອ ສະແດງການຂັບຮ້ອງປະສານສຽງ ຂອງກອງທັບທະຫານ ພ້ອມກັບການສາຍພາບຈຳລອງ ການປ່ອຍອາວຸດນິວເຄລຍ ໄປໂຈມຕີອາເມຣິກາ.

ໂດຍໃນຄລິປດັ່ງກ່າວ ສະແດງໃຫ້ເຫັນຈະຫຼວດຂະໜາດໃຫຍ່ ເຊິ່ງໜ້າຈະເປັນຂີປະນາວຸດຂ້າມທະວີບ ( Intercontinental Ballistic Missile ຫຼື ICBM) ຂີປະນາວຸດໄລຍະໄກ ທີ່ມີລັດສະໝີຄວາມສາມາດຂ້າມທະວີບ ຖືກປ່ອຍຂຶ້ນສູ່ທ້ອງຟ້າ ກ່ອນທີ່ຈະໄປຕົກໃນດິນແດນຂອງອາເມຣິກາ ເກີດແປວໄຟຂະໜາດໃຫຍ່ລຸກຂຶ້ນ ແລະ ທຳລາຍທຸກຊາດອາເມຣິກາ.

ໃນລາຍງານຍັງໄດ້ລະບຸອີກວ່າ ຄະນະນັກຮ້ອງປະສານສຽງ ໄດ້ມີການຮ້ອງເພັງໃໝ່ ກ່ຽວກັບຂີປະນາວຸດຂອງປະເທດ ເຊິ່ງເນື້ອເພັງມີຄຳວ່າ "ຄວາມພູມໃຈຂອງພວກເຮົາ ຂີປະນາວຸດຮວາຊອງ (Hwasong)" ແລະ "ມັນເຄື່ອນທີ່ໄດ້ໄວ ປານກັບແສງ ເພື່ອໄປທ້າທາຍຊາດມະຫາອຳນາດຈັກກະພັດ" ໂດຍຫຼັງຈາກການສະແດງສຳເລັດ ເຜີຍໃຫ້ເຫັນເຫຼົ່າກອງທັບທະຫານ ພາກັນຕົບມືສະໜັ່ນຫວັ່ນໄຫວ ໂດຍມີທ່ານຜູ້ນຳເກົາຫຼີເໜືອ ຄິມ ຈອງ-ອຶນ ຢືນໂບກມືໃຫ້.

ທັງນີ້ ເມື່ອປີທີ່ຜ່ານມາ ທາງການເກົາຫຼີເໜືອ ກໍ່ໄດ້ມີການເຜີຍແຜ່ຄລິປຊວນເຊື່ອ ທີ່ຄ້າຍກັນນີ້ອອກມາ ໂດຍມີຊື່ວ່າ "ໂອກາດສຸດທ້າຍ (Last Chance)" ຄວາມຍາວປະມານ 4 ນາທີ ເຜີຍໃຫ້ເຫັນພາບຂີປະນາວຸດ ຖືກຍິງອອກຈາກດິນແດນເກົາຫຼີເໜືອ ໂຈມຕີໄປຍັງອາເມຣິກາ ແລະ ທຸງຊາດກໍ່ຖືກເຜົາເຊັ່ນດຽວກັນ.

ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^

ຮຽບຮຽງ: devcrown.com ຄວາມຮູ້ທັນສະໄໝ
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.