ສຳນັກຂ່າວຕ່າງປະເທດ ລາຍງານຈາກປະເທດອາເມຣິກາເມື່ອວັນທີ 19 ເມສາວ່າ ວາລະສານຊື່ດັງລະດັບໂລກ People ໄດ້ສະເໜີຊື່ນັກສະແດງສາວ "ຈູເລຍ ໂຣເບີດສ໌" ໄວ 49 ປີ ວ່າເປັນຜູ້ຍິງທີ່ງາມທີ່ສຸດໃນໂລກ ປະຈຳປີນີ້ ເຊິ່ງຖືເປັນການຍົກຍ່ອງ ນັກສະແດງສາວຊາວອາເມຣິກາ ວ່າເປັນຜູ້ຍິງທີ່ງາມທີ່ສຸດໃນໂລກ ເປັນສະໄໝທີ່ 5 ແລ້ວ ເຊິ່ງຖືວ່າເປັນສະຖິຕິ ທີ່ຍັງບໍ່ທັນມີໃຜເຮັດໄດ້.
“ຈູເລຍ ໂຣເບີດສ໌” ເຄີຍໄດ້ຮັບການສະເໜີຊື່ ເປັນຜູ້ຍິງທີ່ງາມທີ່ສຸດໃນໂລກ ເທື່ອທຳອິດຂອງວາລະສານ People ເມື່ອປີ 1991 ໜຶ່ງປີຫຼັງຈາກ ທີ່ນາງມີຊື່ສຽງຢ່າງສູງ ຈາກຜົນງານໜັງ ຫຼື ຮູບເງົາເລື່ອງ ”Pretty Woman” ຫຼັງຈາກນັ້ນນາງກໍ່ໄດ້ຮັບການສະເໜີຊື່ເຂົ້າອີກໃນປີ 2000, 2005 ແລະ 2010.
“ຈູເລຍ ໂຣເບີດສ໌” ກ່າວວ່າ ເປັນເລື່ອງທີ່ໜ້າຍິນດີຫຼາຍ ແຕ່ນາງຄິດວ່າ ຕອນນີ້ນາງເຖິງຈຸດສູງສຸດແລ້ວ ເພາະນາງໄດ້ຮັບລາງວັນອອສກາຣ໌ ໃນປີ 2001 ຈາກໜັງເລື່ອງ Erin Brockovich ສ່ວນຊີວິດສ່ວນໂຕ ແມ່ນໄດ້ແຕ່ງງານມາແລ້ວ 14 ປີ ກັບ ”ແດນນີ່ ໂມເດີ” ຊ່າງພາບຖ່າຍທຳໜັງ ໂດຍມີລູກນຳກັນ 3 ຄົນ.
ສຳລັບປີກ່ອນ People ຍົກໃຫ້ ”ເຈນນິເຟີ ອານິສຕັນ” ເປັນຜູ້ຍິງທີ່ງາມທີ່ສຸດໃນໂລກ.
 |
| ເຈນນິເຟີ ອານິສຕັນ |
ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^
ຮຽບຮຽງ: devcrown.com ຄວາມຮູ້ທັນສະໄໝ
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.
Comments
Post a Comment