ທ່ານ ຄໍາສານ ສຸວົງ ຫົວໜ້າອົງການໄອຍະການ ປະຊາຊົນສູງສຸດ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ VIII ເມື່ອບໍ່ດົນຜ່ານມາວ່າ: ປີຜ່ານມາອົງການໄອຍະການ ປະຊາຊົນສູງສຸດ ສາມາດແກ້ໄຂຄະດີໄດ້ 8.300 ກວ່າເລື່ອງ. ປັດຈຸບັນ ມີຄະດີອາຍາຂັ້ນຕົ້ນ 8.800 ກວ່າເລື່ອງ, ໃນນັ້ນໄດ້ສົ່ງຄືນ ໃຫ້ດໍາເນີນການສືບສວນ-ສອບສວນຄືນໃໝ່ 2.600 ກວ່າເລື່ອງ, ໄດ້ຖະແຫລງສົ່ງສານ 5.150 ກວ່າເລື່ອງ, ສານໄດ້ພິຈາລະນາຕັດສິນແລ້ວ 4.480 ກວ່າເລື່ອງ ແລະ ສານໄດ້ພິຈາລະນາຕັດສິນ ຕາມການຖະແຫລງຂອງອົງການ ໄອຍະການປະຊາຊົນ 4.443 ກວ່າເລື່ອງ. ມີຄະດີອາຍາຂັ້ນອຸທອນ 590 ກວ່າເລື່ອງ, ແກ້ໄຂແລ້ວ 370 ກວ່າເລື່ອງ. ໃນນັ້ນໄດ້ຂຶ້ນຖະແຫລງ ໃນທີ່ປະຊຸມສານ 330 ກວ່າເລື່ອງ ແລະ ສານພິພາກສາຕາມການຖະແຫລງ 300 ກວ່າເລື່ອງ, ມີຄະດີອາຍາຂັ້ນລົບລ້າງ 310 ກວ່າເລື່ອງ, ແກ້ໄຂແລ້ວ 115 ເລື່ອງ ແລະ ອື່ນໆ.
ທ່ານຫົວໜ້າ ອົງການໄອຍະການ ປະຊາຊົນສູງສຸດ ກ່າວຕື່ມວ່າ: ຄຽງຄູ່ກັບການປະຕິບັດສິດ ແລະ ໜ້າທີ່ດັ່ງກ່າວ, ອົງການໄອຍະການປະຊາຊົນຂັ້ນຕ່າງໆ ຍັງໄດ້ເອົາໃຈໃສ່ຕິດຕາມກວດກາ ການປະຕິບັດກົດໝາຍ ໃນການດໍາເນີນຄະດີແພ່ງ, ຄົ້ນຄວ້າສະຫລຸບຄະດີ ທີ່ໄດ້ຮັບຈາກສານປະຊາຊົນເຂດ ແລະ ແຂວງ 700 ກວ່າເລື່ອງ, ສົ່ງສານແລ້ວ 690 ກວ່າເລື່ອງ, ໃນນັ້ນ ໄດ້ຂຶ້ນຖະແຫລງທີ່ປະຊຸມສານ 500 ກວ່າເລື່ອງ, ສານຕັດສິນເອົາຕາມການຖະແຫລງ 510 ກວ່າເລື່ອງ ເທົ່າກັບ 99,43%, ໄດ້ຮັບສໍານວນຄະດີແພ່ງຂັ້ນອຸທອນ 1.100 ກວ່າເລື່ອງ ໄດ້ກວດກາແລ້ວຖະແຫລງສົ່ງສານ 620 ກວ່າເລື່ອງ, ຖະແຫລງທີ່ປະຊຸມສານ 520 ກວ່າເລື່ອງ, ສານພິພາກສາຕາມການຖະແຫລງ 460 ເລື່ອງ ເທົ່າກັບ 86,96% ແລະ ໄດ້ຮັບສໍານວນຄະດີຂັ້ນລົບລ້າງ 490 ກວ່າເລື່ອງ, ຖະແຫລງສົ່ງສານ 290 ກວ່າເລື່ອງ, ຖະແຫລງທີ່ປະຊຸມສານ 150 ກວ່າເລື່ອງ, ສານພິພາກສາເອົາຕາມຖະແຫລງ 150 ກວ່າເລື່ອງ ເທົ່າກັບ 96, 84%.
ໝາຍເຫດ: ທາງເວັບໄຊ້ທາງການພວກເຮົາ "devcrown.com" ກຳລັງຍ້າຍເຊີເວີ້ຢູ່ ອາດໃຊ້ເວລາຫຼາຍມື້ ເລີຍມາອັບເດດຂ່າວຜ່ານທາງເວັບໄຊ້ນີ້ຊົ່ວຄາວກ່ອນເດີ້ ^^
ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ "devcrown.com ຄວາມຮູ້ທັນສະໄໝ", ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.
Comments
Post a Comment